Este é un curso difícil, pero os letraferidos non deixamos de ler. De feito, cremos que a lectura vai ser o que nos permita soñar, imaxinar, desfrutar...nestos tempos incertos. Así que, benvidos ao club de lectura!!
O alumando de 1º de ESO reuniuse hoxe para decidir a obra que imos ler para iniciar esta andaina. A nosa cita será o vindeiro 17 de decembro. Avante toda!!!
Aine contaba nove anos a primeira vez que viaxou cos seus pais de vacacións. Naqueles días, ademais de percorrer a cidade, visitaron unha exposición. Era sobre unha estrela de rock que mudaba de aspecto coma os camaleóns. Un arreguizo estraño percorreulle o corpo cando se fixou na roupa que vestía, pois non soubo se era de home ou de muller. Emocionouse ao ver que tiña o cabelo roxo, tan semellante ao seu. Escoitou aquela canción que falaba dun extraterrestre que só quería cantar e bailar e tivo unha revelación: Aine, de maior, sería igual que Ziggy Stardust, un músico marciano que podía ser todo o que lle dese a gana. Coa axuda de Thomas, o seu inseparable amigo imaxinario, íao lograr.
Se queres coñecer a Ziggy, non deixes de ver este vídeo.
Ningún comentario:
Publicar un comentario